एक अपघात, तीन पिढ्या – वेदांत अग्रवाल, विशाल अग्रवाल आणि सुरेंद्र अग्रवाल यांच्या कुटुंबातील एका अपघातामुळे त्यांच्या गुन्हेगारी कारवायांचा एकेक प्रसंग आता उघडकीस आला आहे. वेदांत अग्रवालच्या अपघातामुळे दोन लोकांचा मृत्यू झाला, ज्यामुळे त्याला बाल सुधारगृहात पाठवण्यात आले. पैशांच्या जोरावर केस दाबू पाहणाऱ्या त्याच्या वडिलांना, विशाल अग्रवालला, अटक करण्यात आली.
या अपघात प्रकरणातून आरोपीला वाचवण्यासाठी सुरेंद्र आणि विशाल अग्रवाल या बाप-बेटांनी ड्रायव्हरला बळीचा बकरा बनवण्याचा प्रयत्न केला. गाडी आपणच चालवत होतो असं सांगण्यासाठी त्यांनी ड्रायव्हरवर दबाव टाकला. शेवटी, सुरेंद्र अग्रवालने त्याला धमकावलं आणि ड्रायव्हरने सहकार्य न केल्याने त्याला किडनॅप करून डांबून ठेवलं. त्याच्याकडचा मोबाईलही काढून घेतला.
ड्रायव्हरची अग्रवालच्या घरातून सुटका कशी झाली ते बघूया. ड्रायव्हर घरी न आल्याने चिंतेत असलेल्या त्याच्या बायकोने काही नातेवाईकांच्या मदतीने थेट अग्रवालांच्या घरी धडक मारली आणि तिथेच तिने आपल्या पतीची सुरेंद्र अग्रवालच्या तावडीतून सुटका केली. सुरेंद्र अग्रवालची दहशत इतकी होती की सुटल्यावरही ड्रायव्हर भीतीने थडथड कापत होता. पुणे पोलिसांनी आता ड्रायव्हरला सुरक्षा दिली आहे.
गुन्हे शाखेने ड्रायव्हरला अग्रवालच्या घरी जाऊन तिन्ही अग्रवालांना ताब्यात घेतले आहे. गणेश सुरेंद्रकुमार अग्रवाल आणि विशाल अग्रवाल यांनी ड्रायव्हरला धमकावल्याची आणि त्याची किडनॅपिंग केल्याची घटना समोर आली आहे.
विशाल अग्रवालच्या गुन्हेगारी पार्श्वभूमीचा तपास सुरू आहे. 2009 मध्ये त्याने छोटा राजाच्या मदतीने शिवसेना नेते अजय भोसले यांच्या हत्येचा प्रयत्न केल्याचाही आरोप आहे आणि याच प्रकरणात बंडगार्डन पोलीस स्टेशनमध्ये गुन्हा दाखल आहे. या प्रकरणाचा तपास सध्या सीबीआयकडून चालू आहे.
दुसरा प्रकरण गोव्यातल्या 232 एकरच्या जमीन व्यवहारातील फसवणुकीचं आहे. अग्रवाल कुटुंबीयांनी फसवणूक करून जमीन लाटली आणि मूळ मालकाचा मृत्यू झाला. या प्रकरणाचाही तपास सुरू आहे.
हे सर्व प्रकरणे एकत्रित पाहता, अग्रवाल कुटुंबाच्या गुन्हेगारी कारवायांची कहाणी पुढे येत आहे.
